VOV4.M’nông- Nar 10/5, kruanh n’gâng kan mât ăp nău châu âu bâh Pháp Cờ-lê-măng Bôn (Clément Beaune) an gĭt ăp dak châu Âu mbra dơi geh nău tâm ban ŭch mpeh rnoh rmal tal 6 mpŏng ta Nga tâm pơh aơ, đah nău kan tơm lah geh njoat an rlu nău rvăt nglăp tơm pring bâh Nga. Wa Beaune an gĭt, Pháp dôl nsrôih tâm rgop đah Ủy ban châu âu gay ma đă ăp ngih dak hôm dôl dun ăp nău mô rvăt nglăp tơm pring bâh Nga, ngăn lah Slovakia n’hanh Hungary. Tâm nar 10/5, Tổng thống Pháp Emmanuel Macron lĕ geh rơh tâm nchră đah Thủ tướng Hungary Viktor Orban. Ta năp nĕ, kruanh Ủy ban châu âu, wa bu ur Ursula vonder Leyen  lĕ tât ta Budapest gay ma đă ăp nuĭh leo kan Hungary. Yor nĕ, tĭng nău mbơh bâh wa Clement Beaune, kơt lah ăp dak kan ndrel châu âu mbra dơi geh nău tâm ton mpeh rnoh rmal tal 6 mpŏng ta Nga tâm pơh aơ.

Nuĭh rblang: Thị Đoắt