VOV4.M'nông: Thủ tướng Hungary Viktor Orban mbơh, dak dja n'hanh Liên minh châu Âu (EU) mô hŏ nchrăp đă ntrŭnh mpăng đah dak ŭnh n'hanh pring bah Nga. Hôm nuĭh ntơh măt gưl têh bah EU mpeh trong kan dak bah dih n'hanh rnă njrăng Josep Borrell an gĭt đŏng, Liên minh châu Âu mô hŏ tâm nchră mpeh nău dun dak ŭnh bah Nga. Bah năp nê, Liên minh châu Âu dôl nchrăp ndơ̆ luh rnoh rmal tâl prao rdâng lơh tay Nga tă bah hăn lơh ma tahen mha êng ta Ukraine. An tât aƀaơ, hŏ geh 10 dak Châu Âu ŭch trok dak ŭnh bah Nga ma prăk Rúp, tĭng nău đă bah Tổng thống V.Putin đah ăp dak mô dêh bên, kơp ntơm bah nar 01/04 mhe aơ.

Nuĭh rblang: Điểu Thân