VOV4.M'nông: Bol ma Nga hŏ rhuăt tahen luh bah thủ đô Kiev, yơn ơm ôi nar 15/4, ta aơ hôm tăng rtoh têh đŏng. Nău nteh mbơh njrăng lor ta lam ăp nkual Ukraine, lôch rnôk dak dja mbơh dơn nău tih pănh grăp ŭnh lot ngai pănh ngâm chiến hạm Nga ta Biển Đen. Bộ Quốc phòng Nga dơn an gĭt, ŭnh sa chiến hạm tă bah kho ndrak nsiu kalơ duk rtoh yơn mô dơi puh n'hât. Yơn lah, tâm rnôk têk hao kơh, chiến hạm hŏ ngâm tă bah phŭt sial dăng. Rlău 500 tahen kalơ chiến hạm dja hŏ dơi ntrơn du đăp mpăn. Nkô̆ bah nău tât dôl dơi Nga ôp uănh ƀư kloh. Nuĭh kơl kan an rnă njrăng neh dak Mỹ Jake Sullivan an gĭt, bol mô hŏ gĭt nkô̆ nău jêng tât chiến hạm ngâm, yơn aơ lah du nău khuch khat têh đah Nga.

Nuĭh rblang: Điểu Thân