VOV4.M'nông: Nar 09/03, lah ta rơh hop bah chính phủ, Thủ tướng Nga Mikhail Mishustin an gĭt, Chính phủ Nga hŏ rdâk njêng du trong nchrăp dâk kan gay đăp mpăn jâng wăng sa ta năp nău tât khuch ăp nău  ntrŭnh rmal. Lah ta rơh hop, Thủ tướng Mikhail Mishustin lah rjăp, ăp nuĭh râng mbra tâm nchră mpeh du đêt nău mĭn mhe njêng pháp luật rlău ma ăp nău mĭn mhe hŏ dơi uănh an dŏng tâm pơh bah năp nơh. Tâm rnoh ăp nău dăn đă bah chính phủ lah nău an rlu sŏk soăy rnoh geh wăng sa đah deh prăk kon njuăl ngân hàng ta Nga, tâm ban kơt n'hao rnoh sŏk soăy đah nuĭh tơm dŏng ndeh ôtô bah pe hao jât rkeh rúp. Thủ tướng Mishustin mbơh tâm pă tay 25 rmen rúp gay kơl ăp rnoh manh dơh an ăp nuĭh kan tuch tăm mât rong, tâm ban kơt 2,5 rmen rúp gay ntop du gâl prăk dŏng ƀư njêng bánh mì. Ăp nar rlău aơ, Nga hŏ n'hanh dôl ƀư ăp luật, sắc lệnh, ăp rnoh ntop kơl đăp mpăn jâng wăng sa, hŭch bah ir tât khuch bah nău ntrŭnh rmal./.

Nuĭh rblang: Điểu Thân