VOV4.M’nông: Kêng măng 1/7, Cộng hoà Czech hŏ ntơm ƀư nau kan Kruanh tâm pleh bah Liên minh châu Âu (EU) jêh rơh rƀŭn nsum đah ăp dak bah Uỷ ban Châu Âu ndrel Chính phủ Czech tâm lâu đài bah nkuăl ƀon têh ơm Li-tô-mít mpeh ba dâng bah dak Czech. Tâm rơh rƀŭn mbơh, Thủ tướng Czech rnê ăp nau kan bah neh dak mra ndơn nau ƀư kan ba kơi tă lah Pháp tâm nau kan joi nau nsum đah ăp dak kan nsum bah EU jêh nau kan bah Nga đah Ukriane. Thủ tướng Czech lah rjăp rnôk jêr ƀa hin ndrel nau kan joi ntrong gay ma nsrŭng nau tâm lơh tâm Ukraine kŏ kơt lah ndâk tay dak aơ, lah mpông gay ma rklaih ăp nau kan ma EU dôl ma mâp. Cộng hoà Czech kŏ mbơh rnoh moh săk ăp nau kơl an lor bah nơm ân nau ƀư Kruanh tâm pleh bah EU tâm 6 khay tât lah mât nau rŭng răng bah nŭih du der ndrel ndâk tay nau kan jêh bah tâm lơh bah Ukraine, nau kan mât ŭnh nar, nau kan ndâk jâng văng sa Châu Âu ndrel nau ndâk ăp nau kan bah trong kan ƀon lan ƀư tơm./.

Nŭih rblang: H’Thi