VOV4.M’nông- Groi Thủ tướng kruanh n’gâng kan nchră nău đah dak bah dih n’hanh tâm kơl lam ntur neh Campuchia Prak Sokhon mbra tât khâl Myanmar bâh nar 20 tât 23/3 gay ma joi trong kan an rơh uh ah ta dak aơ. Wa Prak Sokhon mbra tât khâl Myanmar rơh bôk năp đah nău kan lah đặc phái viên bâh kruanh ASEAN. Nchrăp bôk nău kan nghị sự rơh tât khâl mbra rgum ta nău ntrôl an Myanmar ƀư tĭng an tâm ban 5 nău ntoh lư lĕ geh ăp nuĭh leo kan ASAEN tâm ban ŭch ta khay 4/2021 ta Indonesia. Groi Thủ tướng Prak Sokhon nchrăp mbra geh dăn đă tâm mâp Thống tướng Min Aung Hlaing n’hanh du đê̆ ăp ding geh tât. Păng mbra geh nău nchrăp tât ta Yanggon gay ma tâm rgâl drăp ndơ kơl an du ngih dak si n’hanh mât đăp mpăn ndơ kơl an bâh ASEAN tât đah nuĭh ƀon lan Myanmar.

Nuĭh rblang: Thị Đoắt