VOV4.M’nông – Đại sứ quán Mỹ ta thủ đô Habana bah Cuba lĕ ntơm nthoi tay nău pă sam ƀŭt lăp gŭ an nuĭh ƀon lan Cuba jêh 4 năm tăch proăt. Đại sứ quán Mỹ ta Cuba nar 3/5 lĕ mkra ăp sam ƀŭt pă sam ƀŭt bôk năp jêh rlău 4 năm tăch proăt bôl rnoh nuĭh n’hanh nuĭh hôm e đêt. Nău mbơh tâm trang web bah đại sứ quán nkoch mpŏng mbra mkra âk lơn ăp sam ƀŭt lăp gŭ tâm rgŏ năp n’hanh pơk hvi ăp ndơ lãnh sự ta Habana. N’gâng kan tâm rnglăp nchră nău Mỹ tâm rnôk Tổng thống ơm Do nan Trăm lĕ rhoăt đêt rnoh nuĭh kan tâm rnglăp nchră nău Mỹ ta Cuba năm 2017 jêh âk nău ƀư khlay geh tât săk soan bah ăp nuĭh kan sứ quan. Bah nĕ, nuĭh ƀon lan Cuba ŭch dăn sam ƀŭt lăp gŭ hăn dak Mỹ mbra an dăn tât ta ăp đại sứ quán Mỹ ta Colombia n’hanh Guyana đah prăk hăn nsong dŭt âk nkôp đah nău rêh bah nuĭh ƀon lan Cuba.

Nŭih blang: Y Sưng Phê Ja