VOV4.Mnông- Nar naơ 17/2, Đại sứ Ukraine ta Liên Hợp quốc Sergiy Kyslytsya an gĭt, Ukraine mbra geh mât njrăng êng lah Nga săch nău duh hao hô. Ntoh ngơi ta rơh rƀŭn nchră bâh HĐBA LHQ mpeh nău ƀư tĭng ăp nău tâm ton Minsk geh tât rơh tâm rkeh ta mpeh luh nar Ukraine, nuĭh kan nchră nău đah Ukraine lah na nê̆: Ukraine hôm nha geh ton doh rklaih nău đăp mpăn tâm rkeh đah Nga n’hanh Ukraine đah ăp ntrong kan chính trị nchră nău đah dak bah dih. Neh dak Ukraine ŭch nău đăp mpăn, rnă njrăng n’hanh đăp mpăn, mô dơn êng an Ukraine ma hôm nha an lĕ rngôch châu âu. Yơn lah, nuĭh kan nchră nău đah dak bah dih Ukraine lah na nê̆ an alh, lah Nga geh săch trong an duh jêr lơn, Ukraine mbra mât njrăng êng.

Nuĭh rblang: Thị Đoắt