VOV4.M’nông: Đại hội đồng Liên hợp quốc mhe săch Cộng hoà Séc lăp tâm Hội đồng nau dơi kon nŭih ndơn rgâl đah Nga, jêh rnôk nau dơi ƀư kan nsum bah dak Nga tâm ntŭk kan aơ geh ân nsrŭng lơi tâm khay 4. Geh 157 dak tâm Đại hội đồng Liên hợp quốc nklăch phiếu kơl an Séc ndrel 23 dak nklăch phiếu dơm. Bah năp nê, tâm lơ 7/4, Đại hội đồng Liên hợp quốc hŏ nchră luh nau kan ân nsrŭng lơi nau dơi lăp ƀư kan bah Nga tâm Hội đồng nau dơi kon nŭih Liên hợp quốc, jêh rnôk Nga ntơm ƀư nau tâm lơh êng tâm Ukriane. Nga jêh nê kŏ ntrŭnh nau rhuăt luh bah Hội đồng. Hội đồng nau dơi kon nŭih bah Đại hội đồng Liên hợp quốc ndâk tâm năm 2006 đah nau kan ntrŭt dăng ndrel mât nau dơi kon nŭih tâm lam ntur neh./.

Nŭih rblang: H’Thi