VOV4.M’nông – Du đêt dak ASEAN, tâm nĕ geh Thái Lan, Lào, Campuchia, Myanmar, dơi nchrăp pơk mpông wơt năch lam ntŭr neh, bôl chôt srê Covid-19 hôm e geh jêr jŏt. Bah 1/4 tât, Thái Lan mbra rơih jăng nău đă an geh kơp dơn uănh năl mô ntưp đah Covid-19 đah năch pâl nđaih lam ntŭr neh rnôk lăp tâm dak. Bah năp nĕ, nar 17/3, Chính phủ Campuchia lĕ ntrŭnh rơih jăng ăp nău đă uănh năl Covid-19 đah năch dak bah dih tât Campuchia, nkre an nthoi tay ăp nău pă sam ƀŭt sam tra rnôk tât Campuchia an lĕ rngôch năch dak bah dih lăp tâm dak. Myanmar mbra pơk mpông wơt năch pâl nđaih bah nar 17/4. Yơn lah, ăp năch pâl nđaih dak bah dih tât Myanmar dơi chuh vaccine tŏng ăp, nkhah êng uănh nđôi săk soan tâm du pơh n’hanh ƀư 2 tơ̆ uănh năl PCR.

Nŭih blang: Y Sưng Phê Ja