VOV4.M’nông: Lơ 16/6, ntoh nau tâm rơh hăn khâl ngăn tât Thủ đô Kiev bah Ukraine, Kruanh rđau kan bah 3 dak têh bôk năp bah Liên minh Châu Âu geh Đức-Pháp ndrel Italia kŏ ton lah nau kơl an ân Ukraine geh pă dơi nau kan ân geh săch lăp pa kan nsum tâm Liên minh châu Âu. Rđau kan bah 3 dak aơ kŏ ton lah mra pă mbơh kơl an mpeh tơm prăk dnrel tahen ân Ukraine. Geh tât nau kan rnôk aơ tâm ntŭk dôl tâm lơh, ăp dah Đức-Pháp kŏ mbơh mra n’hao lơn tay nau kơl ndrak nsiu ân Ukraine. Tổng thống Pháp, wa Emmanuel Macron mbơh, Pháp mra mbơh pă tay ân tahen Ukraine 6 ntrong pháo nchrŏng êng Caesars. Yơn lah, lĕ 2 rđau kan bah Pháp-Đức kŏ lah rjăp, ân geh joi ăp ntrong ân nsrŭng lơi nau tâm lơh rnôk aơ lơn ơm ân ueh./.

Nŭih rblang: H’Thi