VOV4.M'nông: Nar 14/2, lah kalơ ƀoh rup France 5, bộ trưởng Ngoại giao Pháp Jean-Yves Le Drian an gĭt nô nău dôl rlău nău dơi mât njrăng đah rnoh duh jêr nar lơn ma hô. Tĭng ngoại trưởng Pháp, nău ŭch bah Tổng thống Nga Vladimir Putin ŭch mât Ukraina kơt du nklang n'gul nking n'har, mô ŭch dơn tahen bah phương Tây n'hanh NATO ta mpông rlong bah dak Nga. Wa Jean-Yves Le Drian mô geh ma nău Pháp râng n'hao tahen ta Ukraina yơn mbơh njrăng lor Pháp n'hanh ăp dak băl mpôl phương Tây hŏ tâm ban ŭch mbra du rơh nchâp đă tay ăp nău ntrŭnh rmal lhăt mpeh wăng sa n'hanh prăk kaih lah Nga lăp lơh Ukraina. Châu Âu n'hanh Pháp mbra tâm nchră mpeh du nău tâm ban geh rnă njrăng mhe ta châu Âu đah Nga./.

Nuĭh rblang: Điểu Thân