VOV4.M'nông: Ủy ban châu Âu (EC) hŏ dăn đă du trong nchrăp kan mhe an ntuh kơl tât 43  euro (tâm ban nklăp 48,8 rmen đôlar) gay ntrŭt ntrôl hun hao n'gâng kan kỹ thuật mbrô, hŭch bah nsing tâm tơm ndơ dak bah dih, lơn lah bah Trung Quốc. Nău dăn đă mhe bah Ủy ban Châu Âu dơi kuăl lah Đạo luật “Chip Châu Âu” (European Chips Act), gay n'hao nău dăng bah mpôl tâm nău gŭ mĭn, ƀư njêng chip điện tử đah lĕ rngôch rnoh prăk ngân sách ntuh kơl lah 43 rmen euro. Rlău ma nê, trong nchrăp luật mhe quy định du đêt nău way trong kan mhe tâm EU đŏng gay đăp mpăn rnă njrăng an ăp rêng pă an, wăch rgum ndơ kơl, lĕ ma ndơ kơl bah ngih dak an ăp công ty ntơm njêng nău kan công nghệ geh nău mpŏng hun hao chất bán dẫn. Nău ŭch bah trong nchrăp luật mhe lah n'hao âk nău tât râng bah Châu Âu tâm rêng pă an lam ntŭr neh tâm n'gâng kan công nghiệp bán dẫn, geh dơi 20% ntŭk tăch rgâl lam ntŭr neh mpeh chất bán dẫn tâm năm 2030, hao rlău bar tơ̆ rđĭl đah aƀaơ./.

Nuĭh rblang: Điểu Thân