VOV4.M’nông: Nsum mpôl văng sa Tây Phi (ECOWAS) mra ƀư nau rƀŭn ndal gay tâm nchră nau kan ƀư rŭng răng tâm Burkina Fasô. Tâm du nau ton ndơ̆ luh, Ntŭk kan aơ lah rjăp, Tổng thống geh n’glưh tŭp Rốt Ka-bô-rê hŏ dăn rlu nau kan bah năp nau mpet đă bah tahen ndrel nau nkri lah. Bah năp nê, tahen Burkina Fasô ton lah mra ân Tổng thống Rốt Ka-bô-rê rlu nau kan, nsrŭng lơi Hiến pháp, nchrai lơi Chính phủ ndrel Quốc hội, nkre ntâl mpông nkuăl n’har bri bah neh dak Tây Phi aơ. Ăp nau mbơh bah tahen ndrel rnă njrăng kŏ mbơh Tổng thống Rốt Ka-bô-rê hŏ rlu kan. Liên minh Châu Phi (AU) ndrel nsum mpôl văng sa Tây Phi hŏ ntoh nau rvê mpeh nau kan dôl tât tâm neh dak Tây Phi aơ, nkre kuăl jă tahen dak aơ đăp mpăn ân Tổng thống Ka-bô-rê ndrel ăp n’gâng kan tâm Chính phủ bah păng./.

Nŭih rblang: H’Thi