VOV4.M'nông: Nar aơ (10/3), kruanh rđău kan ăp dak lăp kan nsum Liên minh châu Âu (EU) mbra tâm mâp ta Versailles, Pháp gay hop gưl têh, nchrăp mbra jŏ tâm 2 nar, gay tâm nchră mpeh nô nău Ukraine n'hanh nchră mpeh trong ƀư bah nsing âk tâm rvăt n'glăp ŭnh nar bah Nga. Tĭng nuĭh Rnâng kan ŭnh nar Thơ-ri Brốt (Thierry Bros), nuĭh kan bah Hội đồng mbơh nti dak ŭnh EU-Nga, EU dôl nsing âk tâm Nga đah 40% nău ŭch geh dak ŭnh, gay dŏng mô dơn an ăp rnăk ma hôm lĕ ma ăp nhih máy đŏng. Jêng, gay rlu rvăt n'glăp dak ŭnh bah Nga mbra lah dŭt jêr jŏt đah châu Âu. Rlău ma nê, rơh hop gưl têh EU hôm tâm nchră mpeh tâm boh đah mpôl dja n'hanh Ukraine lôch rnôk dak dja ndơ̆ si ƀŭt dăn lăp ngăn tâm mpôl đŏng./.

Nuĭh rblang: Điểu Thân