VOV4.M'nông: Liên minh châu Âu (EU) dôl nchih rgum trong nchrăp kơl ăp dak lăp kan nsum mbra rvăt n'glăp dak ŭnh bah Nga ma mô tih ăp nău ntrŭnh rmal dôl ma geh aƀaơ nkre tŏng nău dơi đă trok ma prăk rúp bah Nga. Nău kan dja ƀư lôch rnôk ăp công ty châu Âu hŏ tâm rlăch ndăng tâm âk pơh gay joi luh trong nkra tŏng an nău ŭch geh mpeh ŭnh nar bah he tâm rnôk ăp nău ntrŭnh rmal bah EU kơt lah mô geh nău tam. Aƀaơ nar ton trok prăk rvăt dak ŭnh bah âk công ty tŭp tâm kêng dŭt khay dja n'hanh lah khân păng mô trok ma prăk rúp kơt nău đă bah Nga, trong dak ŭnh mbra geh koh tâm ban kơt Ba Lan n'hanh Bulgari. Tâm rnôk dja, hŏ  geh ăp nău tâm rkeh tâm nău trok prăk rvăt dak ŭnh ma prăk rúp tĭng nău đă bah Nga đah ăp dak lăp kan nsum EU./.

Nuĭh rblang: Điểu Thân