VOV4.M’nông: Liên minh Châu Âu (EU) lah rjăp, rmôt kan ndrel ăp dak kan nsum mô geh nkô̆ nau ŭch “ƀư nchueng êng” Mali jêh rnôk nchâp dŏng ăp nau kan ƀư mhal rjăp. Nsum mpôl văng sa bah ăp dak Tây Phi bôk khay aơ hŏ lơh njur nau mham rjăp ngăn đah Mali jêh rnôk n’gâng kan hao mât nau kan năm 2020 hŏ jăng lơi nau săch kan tâm khay 2 aơ ndrel ton lah mra ƀư nau kan tâm 4 năm tay đŏng. Liên minh Châu Âu jêh nê hŏ mbơh mra nchâp đă ăp nau kan mhal ân tâm di. Yơn lah, wa Emanuela Del Rư, ntoh măt bah EU tâm Sahel mbơh, mpông trong tâm nchră đah EU ndrel Mali hôm pơk. Tĭng wa, nau mĭn kan bah Châu Âu mra ƀư tĭng du ntrong mpeh nau kan di ding yơn mô geh ntâl mpông rjăp. Nau tâm nchră đah Mali lah nau kan ƀư săk tam gay ma kơl an neh dak aơ rlet rlau nau rŭng răng aơ./.

Nŭih rblang: H’Thi