VOV4.M’nông: N’ha báo Thế giới (Die Welt) bah Đức lơ 25/4 mbơh nau bah ntoh măt gưl prêh bah Liên minh Châu Âu mpeh nau kan tâm nchră ndrel đăp mpăn Josep Borrell mbơh, EU hŏ mô tŏng geh nau kơl an tă bah ăp dak kan nsum đah nau mô ân dĭng lĕ mô lah nchră luh trong soay, gay mhal đah ăp nau kan rvăt lăp dak pring căng ndrel ndơ su bah Nga. Tĭng nau aơ, nŭih kan nchră nau Liên minh Châu Âu mbơh, rnôk aơ, ăp dak kan nsum ê geh dơi nau mĭn tâm ban mpeh nau kan aơ. Wa Josep Borrell mbơh nkô̆ nau aơ mra geh tâm nchră tay tâm rơh rƀŭn gưl prêh EU mra geh ƀư tâm dŭt khay 5 ndrel păng mô geh mbơh lor nau geh tât. Êp nê, wa lah rjăp ăp dak kan nsum EU kŏ dôl nsôih gay ma koh n’huch nau nsing bah khân păng tâm dak pring xăng bah Nga./.

Nŭih rblang: H’Thi