VOV4.M’nông-  Nar 26/6, kruanh Hội đồng châu Âu Charles Michel mbơh, rmôt kan âk dak châu âu kan ndrel EU mbra nkah đă nău dơi geh ntrŭnh mô an rvăt nglăp maih bâh Nga. Nău rmal aơ mbra geh khuch tât nău geh bâh Nga tâm nău rvăt năp ndơ an nău kan tahen têh khlăy ta Ukraine. 4 dak kan ndrel G7 geh Mỹ, Canada, Nhật Bản n’hanh Anh mhe tâm ban ŭch mbra mô an rvăt nglăp maih bâh Nga, kơt du nkô̆ tâm nău nsrôih n’hao nău tŭn mpet đă Nga an bah nău tâm lơh tahen ta Ukraine. Kruanh n’gâng kan nchră nău đah dak bah dih Mỹ Antonty Blinken an lah nău mô an rvăt nglăp maih bâh Nga, nchrăp mbra geh mbơh ta rơh rƀŭn nchră gâl têh G7, ƀư an Nga roh nău geh ăp năm hao tât 19 rmen đolar Mỹ. Tĭng nuĭh kan têh Mỹ, maih lah ntil ndơ tăch an dak bah dih têh tal 2 bâh Nga, njêng rnoh geh âk an n’gâng kan Tổng thống Vladimir Putin.

Nuĭh rblang: Thị Đoắt