VOV4.M'nông: Groi Kruanh Ủy ban châu Âu mât uănh mpeh nkô̆ nău tăch rgâl, Valdis Dombrovskis nar 28/02 mbơh, Liên minh châu Âu n'hanh Trung Quốc hŏ tâm ban ŭch mbra ƀư tâm nchră gưl têh tâm nar 01/04 tât, tâm rnôk tâm boh bar ding mâp tay âk trong duh jêr nkre Liên minh châu Âu (EU) dôl mpet đă Trung Quốc ndơ̆ luh nău mĭn kloh rvah lơn mpeh rơh tâm lơh Nga-Ukraina. Mbơh gĭt bah năp ăp nghị sĩ mpeh Ủy ban Thương mại bah Nghị viện châu Âu, Groi Kruanh Ủy ban châu Âu mât uănh mpeh trong kan tăch rgâl, wa Valdis Dombrovkis an gĭt ta rơh hop gưl têh tât, bar mpeh EU n'hanh Trung Quốc mbra tâm nchră du rut âk nkô̆ nău khlay kơt Hiệp định ntuh kơl EU – Trung Quốc, tâm rkeh Trung Quốc đah Lit-va, du dak lăp kan nsum bah EU, tâm ban kơt tâm boh đah bar ding rdâng lơh rgâl duh nđik trôk nar, dăp rgum tay Nhih pah kan tăch rgâl lam ntŭr neh - WTO.

Nuĭh rblang: Điểu Thân