VOV4.Mnông- Duh jêr đah Nga n’hanh phương Tây geh hao duh tay rnôk ma Ủy ban châu âu EC lĕ dăn đă rnoh kơl ndơ rmal mhe mpŏng ta Nga, tâm nĕ geh nău mô an rvăt nglăp sah ônh lŭ. Aơ mbra lah nău rmal bôk năp bâh EU mpŏng ta n’gâng kan ŭnh nar bâh Nga, lôch geh rơh tâm lơh tahen bâh Matxcơva ta Ukraine. Nău aơ an saơ nău nsrôih bâh EU tâm nău n’hao tŭn mpeh đah Tổng thống Nga Vladimir Putin n’hanh n’gâng kan wăng sa Nga. Nău knơm bâh Châu Âu ta pring kât, rnôk ndơ su ơm geh n’hanh sah ônh bâh Nga, tâm ban kơt nău an geh joi du nuĭh kan ndrel đah ăp nuĭh kan ndrel châu âu mpeh ăp ntrong kan mpeh ŭnh nar ơm lah nău jêr rklaih đah nkual aơ. Yơn lah, ăp nău mbơh tơih dăch aơ mpeh nău tâm lơh n’hanh nău tât bâh păng lĕ ƀư n’hao nău tŭn mpet đah EU, an geh dŏng ăp nău rmal răng dăng lơn.

          Nuĭh rblang: Thị Đoắt