VOV4.M’nông - Mô an dâl rlău 2/3 rnoh pring nglăp rwăt bah dak Nga n’hanh rnoh aơ mbra hao 90% ta dŭt năm aơ. Aơ lah nkô̆ nău ma Liên minh châu Âu (EU) mhe dơi tâm ban ŭch ta rƀŭn nchră gưl prêh ta Brúc-xen, Bỉ jêh âk pơh tâm nchră wăk kol mpeh mô an nglăp rwăt pring bah dak Nga. Đah Thủ tướng Đức Olaf Scholz, “Mô ơm ri mbrơi” EU an tâm ban ŭch n’hŭch nglăp rwăt bah Nga. Ta trang twetter, Kruanh Hội đồng châu Âu Charles Michel an gĭt, EU tâm ban ŭch tăch n’gluh pring bah Nga an rmôt aơ. Mô an dâl kơt tĭng đah rlău 2/3 rnoh pring nglăp rwăt bah Nga, koh n’hŭch du tơm prăk kaih têh an Nga, jêng nău mpet dŭt n’hâm đah Nga gay lôch nău tâm lơh Ukraina. Nău aơ pơk trong an EU dơi geh tâm ton mpeh ndơ rmal tal 6 tât dak Nga.

Nŭih blang: Y Sưng Phê Ja