VOV4.M’nông - Liên minh châu Âu (EU) mbra ƀư rƀŭn nchră gưl prêh đah Trung Quốc tâm nar 1/4. Groi Kruanh Ủy ban châu Âu nkre ƀư Cao ủy tăch rgâl EU Valdis Dombrovskis lĕ nkoch tât du tâm ton ntuh kơl ký đah Trung Quốc geh rlu, jêh rnôk Trung Quốc n’hanh Lítva geh tât nău Đài Loan. Du hê kruanh EU an gĭt rƀŭn nchră gưl prêh dơi ƀư trực tuyến. Liên minh châu Âu uănh trong Trung Quốc lah nuĭh tâm rdâng trong kan tâm du đêt nău, yơn kan ndrel tâm ăp nău kan kơt njrăng n’gang trôk nar rgâl. EU ŭch ndơ̆ Trung Quốc lăp tâm nău ntrôl nkra rgâl ăp nău way tăch rgâl ta Rmôt kan tăch rgâl lam ntŭr neh.

Nuĭh rblang: Y Sưng Phê Ja