VOV4.M'nông: Nuĭh ntơh măt gưl têh mpeh trong kan rnă njrăng n'hanh tâm boh dak bah dih bah Liên minh châu Âu, wa Josep Borrell lah rjăp, EU ŭch tĭng ăp nău nsrôih dŭt mhe bah ăp ding gay ƀư tay rơh tâm nchră đah Nga n'hanh Mỹ ta gưl dŭt têh, mpeh nô nău Ukraine.  Lah đah báo chí bah năp rơh hop bah EU, wa Borrell lah rjăp, ăp rơh hop đah kruanh gưl têh, moh ntil trong ƀư, gay nking nchăng bah tâm lơh dŭt khlay da dê. Tâm boh dak bah dih n'hanh tâm dâl nău lah du trong nkra dŭt jêr dŭt uĕh aƀaơ. Nău mbơh bah wa Borrell dơi ndơ̆ luh lôch rnôk Văn phòng Tổng thống Pháp – Điện Ê-li-dê mbơh, ăp kruanh rđău kan Nga – Mỹ hŏ tâm ban ŭch mpeh nău way gay ƀư du rơh mâp gưl têh mpeh Ukraine./.

Nuĭh rblang: Điểu Thân