VOV4.M’nông: Kruanh n’gâng kan mât njrăng Nhật Bản Kishi Nobuo lơ 10/2 hŏ geh nar tâm kuăl điện thoại tâm nchră nklăp 30 mnĭt đah 2 nŭih ndrel gưl kan bah Mỹ ndrel Hàn Quốc lah Kruanh n’gâng kan neh dak Lloyd Austin ndrel Kruanh n’gâng kan Suh Wook nkoch nchră nau kan tâm gôl dak Triều Tiên ndrel nkuăl. Aơ lah rơh tâm mâp bôk năp đah 3 Kruanh n’gâng kan neh dak Nhật-Hàn-Mỹ kơp ntơm khay 11/2019. Ta rơh tâm nchră, 3 ding hŏ dun lah rjăp nau ƀư pănh phao ŭnh mra tâm rnôk êp aơ bah Triều Tiên, lah rjăp lah nau kan bah Triều Tiên lah tih ngăn nau ntrŭnh bah Hội đồng Bảo an Liên hiệp quốc. Kruanh n’gâng kan Kishi Nobuo ân lah, nau tâm boh rjăp đah 3 ding lah nau kan khlay gay ma ƀư nau kan mô hôm geh ndrak nsiu tâm gôl dak Triều Tiên./.

Nŭih rblang: H’Thi