VOV4.M’nông: Hàn Quốc mhe ân ƀư nau dŏng vắc xin njrăng srê Covid-19 PFE.N bah ntŭk nkra Pfizer ân kon se ntơm 5-11 năm. Nau mbơh aơ mhe geh N’gâng kan ngêt sa ndrel dak si Hàn Quốc mbơh tâm lơ 23/2. Tâm di nau mbơh, N’gâng kan ân gĭt, kon se ân geh chuh du gâl 2 dĭng kơt nau vay, bar tơ̆ geh tâm ƀah nklăp 3 pơh. Đah kon se tâm rmôt nŭih mô lăng geh dăng đah srê nuh hô ri ân geh chuh nkah tay 4 pơh jêh nê. Nơm khay 11 năm e, Hàn Quốc hŏ ntơm dŏng vắc xin bah Pfizer gay ma njrăng srê Covid-19 ân kon se ntơm 12-15 năm kơt du gưl tâm ăp nau kan geh dŏng gay ma ƀư ueh nau nchrăp tal 3 rơh “rêh nsum đah Covid” ma Chính phủ dak aơ nchrăp./.

Nŭih rblang: H’Thi