VOV4.M’nông - N’gâng kan tăch rgâl Hàn Quốc nar nđaơ (15/2) an gĭt, dak aơ đă New Zealand ntop kơl ntrôl lăp Hiệp định Kan ndrel Lĕ rngôch n’hanh rgâl hao rlŏ rlău Thái Bình Dương (CPTPP), tâm rơh rƀŭn gưl Kruanh n’gâng kan 2 dak. Nkô̆ nău khlay tâm nău rgum nchră 2 ding tâm rgâl nău Hàn Quốc dăn lăp Hiệp định Kan ndrel lĕ rngôch n’hanh rgâl hao rlŏ rlău Thái Bình Dương. Hàn Quốc knơm, nău New Zealand đah lah ngih pah kan bah Hiệp ước, mbra ntrôl Hàn Quốc ơm lăp Hiệp định. Tâm rơh rgum nchră, 2 ding geh trong nchrăp tâm nchră mpeh “tâm trôm wăng sa Ấn Độ-Thái Bình Dương”, ma Mỹ lĕ rdâk ƀư boăt nthoi uĕh lơn đah tăch rgâl châu Á, tâm rnôk tâm rlong Trung-Mỹ nar lơ hao.

Nuĭh rblang: Y Sưng Phê Ja