VOV4.M'nông: Nar 8/6, ăp nuĭh kan tâm boh gưl têh bah Hàn Quốc, Mỹ n'hanh Nhật Bản geh rơh tâm nchră tâm boh mpeh ăp nkô̆ nău ta nkual n'hanh lam ntŭr neh, tâm rnôk klach rvê mpeh Triều Tiên geh ma nău rlong hạt nhân. Thứ trưởng Ngoại giao Mỹ, wa bu ur Wendy Sherman dôl geh hăn khâl Đông Á 9 nar, khâl Hàn Quốc, Philippines, Lào n'hanh Việt Nam. Nar 8/6, wa bu ur Wendy Sherman geh rơh hop 3 ding đah Thứ trưởng Ngoại giao Hàn Quốc Cho Hyun dong n'hanh nuĭh ndrel gưl kan Nhật Bản Takeo Mori ta Hàn Quốc. Bah năp  nê, Thứ trưởng Ngoại giao Hàn Quốc Cho Hyun dong hŏ geh rơh ôp mâp na nê̆ đah Thứ trưởng Sherman. Bar ding tâm nchră nău khlay bah nău rdâk tay tâm boh pe ding đah Nhật Bản gay mât rĭng grep lam ntŭr neh nsing ta luật lệ n'hanh dơi geh ƀư bah hạt nhân lĕ rngôch ta gôl dak Triều Tiên.

Nuĭh rblang: Điểu Thân