VOV4.M'nông: Ntơm bah nar 18/4, Hàn Quốc mbra ntlơi lĕ rngôch ăp nău mpăng đêt nuĭh rsong hăn tă bah nuh srê, mô kơp quy định mpeh wăn bok put mbung. Aơ dơi uănh lah du njuat hăn khlay ndơ̆ Hàn Quốc plơ̆ tay kơt ơm mhe lôch rnôk ăp nău mpăng đêt lor bôk năp dơi dŏng ntơm bah khay 3/2020. Nuĭh rnâng kan an gĭt, Hàn Quốc geh trong nchrăp ntlơi lĕ rngôch ăp nău mpăng đêt geh tât COVID-19 gay ntrŭt ntrôl dâk hao tay nuĭh dŏng sa. Yơn lah, trong hao tay mô dăng tă bah hao khlay ndơ nar lơn ma hô ƀư nău ŭch geh dŏng ndơ tâm dak đêt. Tĭng nê, ntơm bah nar 18/4, nău ntrŭnh mpăng đah ăp năch, quán cà phê n'hanh ntŭk tăch rgâl êng ƀa ƀă mbra dơi ntlơi bah. Chính phủ Hàn Quốc mpŏng lah, nău ntlơi mpăng đêt nuh srê mbra kơl dâk hao tay dŏng sa ndơ bah nuĭh ƀon lan tâm ban kơt bah năp rơh nuh srê./.

Nuĭh rblang: Điểu Thân