VOV4.M’nông: Ntơm bah 6h ôi lơ 1/6, rlau 44 rkeh cử tri Hàn Quốc ntơm hăn nklăch phiếu săch kan tâm nkuăl tal 8 ndrel săch Quốc hội ntop tay. Tâm nar săch tâm nkuăl rnôk aơ, cử tri Hàn Quốc mra săch nŭih rđau kan ndrel Giám đốc N’gâng kan ntĭm nti bah ăp n’gor, nkuăl ƀon têh, uỷ viên Hội đồng ăp n’gor, nkuăl ƀon têh, Quận, nkuăl. Rơh săch Quốc hội ntop geh ƀư ndrel tâm 7 nkuăl. Êng nkuăl ƀon têh Sejong ndrel gôl dak Jeju, ăp nŭih mra geh nchih tâm 7 n’ha phiếu, tâm ăp nkuăl săch nŭih kan Quốc hội ri cử tri mra nchih tât 8 n’ha phiếu. Rơh săch rơh aơ geh knŭng 22 nar jêh rnôk Chính phủ Tổng thống Yoon Suk-yoel ntơm ntoh măt. Tĭng nau geh ôp bah êp aơ, rlau 50% nŭih ƀon lan ŭch ngăn mpeh nau rđau kan neh dak rơh bôk năp mât nau kan bah Tổng thống Yoon./.

Nŭih rblang: H’Thi