VOV4.M’nông – Tĭnh uănh lah bah N’gâng kan dak si Hàn Quốc, rnoh ntưp kaman Omicron tâm du pơh bah năp lĕ hao âk nkôp đah du pơh bah năp nĕ. Lơn lah, bơi 95% rnoh nuĭh ntưp kaman Omicron lah  lăp bah dih. Ntil kaman mhe aơ dôl ntưp rêng ta nkual n’gor Gyeonggi yor nău ntưp nsum nuĭh dak bah dih ta ntŭk tahen bah Mỹ ta Hàn Quốc. N’gâng kan dak si an lah mô rlăp tâm trong kan rdâng, Hàn Quốc mbra jôt têl trong ơm bah ăp dak êng, trong dak si, nău rêh jêng gŭ nsrŭng yor rnoh nuĭh ntưp kaman Omicron hao ndal. Chính phủ mbra rblang nău blău ơm bah ăp dak gay ndơ̆ trong rdâng tâm di. Tĭng nĕ, Hàn Quốc ntrôl ngăch tŏng ăp pơk hvi nsưng ji an nuĭh ji Covid-19 mbăn, lôch jêh trong săm ji ta jay, ndâk ƀư trong groi nđôi n’hanh nchih dak si Covid-19 kơt dak si ngêt du trong tam lơn.

Nuĭh rblang: Y Sưng Phê Ja