VOV4.M’nông - Tĭng nău mbơh ŭch wăng sa lam ntŭr neh mhe ngăn bah Ngân hàng lam ntŭr neh, hao jêng wăng sa ta Đông Âu tâm năm tât mbra hŭch âk ngăn nkôp đah hôm du gâl bah lam ntŭr neh jêh rnôk dak aơ nchrăp an du rơh ntoh srê Covid-19 mhe đah rgâl kaman Omicron. Tĭng nău mbơh, hao jêng lam ntŭr neh nchrăp hŭch âk kơp bah 5,5% năm 2021 jŭr 4,1% tâm năm 2022 n’hanh 3,2% tâm năm 2023 yor mô geh ntop kơl prăk kaih lam ntŭr neh. Ta châu Âu n’hanh Trung Á, hao jêng dơi nchroh mbơh mbra mbrơi tay 3% tâm năm 2022 n’hanh 2,9% tâm năm 2023, tâm nĕ hao jêng ta Đông Âu dơi nchroh mbơh lah nkual mbrơi ngăn rnôk geh hŭch n’gul bah 3,1% năm 2021 jŭr 1,4% tâm năm 2022. Nău mbơh dơi mbơh jêh rnôk Rmôt kan dak si lam ntŭr neh mbơh lor đah trong ntưp Covid-19 mhe đah ntil kaman Omicron lơh ntŭn ăp trong dak si ta lam châu Âu.

Nŭih blang: Y Sưng Phê Ja