VOV4.M'nông: Hội đồng Bảo an Liên Hợp Quốc (HĐBA LHQ) nar 4/03 (tĭng mông Mỹ) hŏ ƀư rơh hop ndal mpeh nô nău Ukraine , lôch rot jay prêh 5 dăp dŏng gay ƀư ntĭm nti ta nhih máy điện hạt nhân Zaporizhzhia bah dak dja geh pănh ma ka nong n'hanh ŭnh sa. Lah ta rơh hop, Đại sứ Mỹ ta Liên Hợp Quốc Linda Thomas-Greenfield nduih lah rơh rdôl lơh bah Nga tâm nhih máy điện hạt nhân dja lah "rtil n'hanh klach rvê". Wa Greenfield nkre kuăl jă Tổng thống Nga Vladimir Putin rhuăt tahen luh bah nhih máy n'hanh hăn lơh ma tahen ta Ukraina. Lah bah kơi nuĭh ndrel gưl kan Mỹ, Đại sứ Nga Liên Hợp Quốc Vasily Nebenzya kuăl rơh hop ndal lah nău nsrôih bah Ukraina n'hanh phương Tây gay njêng luh "nău duh jêr kơl nuĭh" mpeh nô nău ta Ukraina n'hanh rlăch dun nău lư Nga rdôl lơh nhih máy hạt nhân dja./.

Nuĭh rblang: Điểu Thân