VOV4.Mnông- Hội đồng Bảo an Liên hợp quốc nar naơ 7/3 lĕ rƀŭ nchră mpeh ăp rơh rlong pănh grăp phao ŭnh dăch aơ bâh Triều Tiên. Yơn lah, rơh rƀŭn nchră du tơ̆ tay tŭp ta nău kŏ văk rnôk ăp ding mô geh ndơ̆ mbơh nău mbơh nsum mpeh nău aơ. Ndơn an nău mbơh nsum bâh Hội đồng bảo an, Mỹ ndrel đah 10 ngih dak êng, tâm nĕ geh Pháp, Anh, Nhật Bản, Na Uy, Hàn Quốc geh nău mbơh êng mpơl nău mĭn rvê mpeh ăp rơh rlong pănh grăp phao ŭnh bâh Triều Tiên. Ntoh ngơi ta năp báo chí lôch rơh rƀŭn nchră, đại sứ Mỹ ta LHQ Linda-Thomas Greenfield lĕ lah na nê̆, 11 rơh pănh rlong grăp phao ŭnh bâh Triều Tiên tâm năm aơ lah nău ƀư tih ăp  nghị quyết bâh Hội đồng bảo an. Bol ma nduĭh ăp nău kan rlong pănh grăp phao ŭnh bâh Triều Tiên yơn wa Thomas- Greenfield hôm nha lah tay na nê̆, mbra joi trong nchră nău răng dăng n’hanh nâp nâl đah Triều Tiên.

                                                                                                                                                                                                                                                                                                 Nuĭh rblang: Thị Đoắt