VOV4.M’nông - N’gâng kan Đặc khu Hành chính Hong Kong (Trung Quốc) mhe mbơh an gĭt, kơp bah nar 15/2 mbra n’hŭch rnoh năm deh dơi chuh vaccine Covid-19 bah Sinovac jŭr hôm 3 năm deh, jêh rnôk nkual aơ ntoh du hê nuĭh ji 4 năm deh khĭt an saơ jêh uănh năl bôk năp ntưp đah Covid-19. Tĭng nău mbơh mhe aơ, ntơm bah nar 15/2, me bơ̆ mô lah nuĭh rdơn bah kon se bah 3 tât 4 năm deh dơi an nar kon se chuh vaccine Covid-19 bah Sicovac ta ăp ntŭk chuh ntŭk gŭ rêh mô lah ăp jrô but uănh ji yor Ntŭk mât uănh kop ji Hong Kong ntĭm hanh ndơ̆ kon se hăn chuh. Aƀaơ vaccine bah Sinovac dơi dŏng an kon se bah 5 năm deh let lơ, tâm rnôk vaccine bah Pfizer dơi pă an kon se bah 5 tât 11 năm deh bah nar 16/2 ta Hong Kong.

Nuĭh rblang: Y Sưng Phê Ja