VOV4.M’Nông- Thủ tướng Hungary Viktor Orban lĕ geh nău rnê rnoh mô hôm geh nchueng rvêl bâh âk dak châu âu kan ndrel EU đah tơm pring bâh Nga, an ăp ngih dak aơ mbra dơi geh rvăt nglăp pring bâh Nga đah rnoh thuk kơt nău der du mblâm bom nguyên tử đah n’gâng kan wăng sa ngih dak. Ăp nuĭh leo kan âk dak châu âu kan ndrel lĕ dơn ngoăy nău way koh n’huch 90% rnoh tơm pring rvăt nglăp bâh Nga ta dŭt năm aơ. Yơn lah, 10% hôm e mbra geh nklơi nău mô an rvăt nglăp gay ma Hungary, Slovakia n’hanh CH Séc mbra dơi rvăt nglăp tơm pring bâh trong dĭng Druzhba. Aƀaơ, geh klâp ma 65% rnoh tơm pring bâh Hungary lah yor Nga pă an bâh trong ding Druzhba. Hungary mpơl nău mĭn rvê an lah nău mô an rvăt nglăp tơm pring bâh Nga mbra ƀư an dak aơ geh mô tŏng pring ŭnh dŏng dŭt âk.

Nuĭh rblang: Thị Đoắt