VOV4.M’nông -  N’gâng kan dak si Philippines lơ 25/1 năl, i mpôl bah ntil kaman Omicron geh săk BA.2 hôm kuăl lah i mpôl “mô saơ săk” lĕ ntoh n’hanh ngăch geh âk ta Philippines. Tâm nău mbơh, Groi kruanh N’gâng kan dak si Maria Rosario Vergeire an gĭt, i mpôl BA.2 lĕ jêng âk ta ăp nkual ta lam dak Philippines, tâm rnôk i mpôl BA.2 dơi saơ ta 8 nkual, âk ngăn ta Bicol n’hanh tâm ndơ sa bah ăp nuĭh bâh dak bah dih sĭt. Omicron “mô saơ săk” lĕ dơi saơ ta 49 dak, geh âk ăp nuĭh dăch aơ ta du đêt dak kơt dak Anh, Đan Mạch, Thụy Điển n’hanh Ấn Độ. Aƀaơ lam dak Philippines kơp dơn 535 nuĭh ntưp kaman Omicron. Aơ lah nkô̆ nău ƀư rnoh nuĭh ntưp Covid-19 ta dak aơ hao âk mô hŏ tă geh kơp bah bôk năm.

Nŭih blang: Y Sưng Phê Ja