VOV4.M'nông: Chính phủ Indonesia hŏ n'glêh an nar ƀư ăp rơh tâm rlong nuĭh kan lam lĕ rngôch bah neh dak. Tĭng nău mbơh bah Bộ trưởng Bộ Nội vụ Indonesia, ăp rơh nklăch phiếu sơch an Hạ viện, Hội đồng Hiệp thương ƀon lan gưl n'gor, gưl nkual ƀon têh Hội đồng Ntơh măt nkual n'hanh bầu cử Tổng thống, Groi Tổng thống mbra ƀư tâm nar pe 14/2/2024 kơt nău dăn đă bah Chính phủ n'hanh Hạ viện Indonesia bah năp nê. Ndrĭ, tâm du nar, nuĭh ƀon lan Indonesia mbra nklăch 5 phiếu sơch du tơ̆. Tâm rnôk nê, rơh bầu cử kruanh nkual ƀon têh, thống đốc, ăp  nuĭh mât bôk kan ăp nkual mbra dơi ƀư 9 khay bah kơi nê, tâm khay 11 năm 2024. Bộ trưởng Nội vụ Indonesia, Tito Karnavian an gĭt, trong tor an tâm rlong sơch nuĭh mât bôk kan lam lĕ rngôch hŏ dơi n'glêh an gĭt lôch rnôk mĭn uănh ăp nău dơi geh prăk kaih bah neh dak, tâm ban kơt ăp nău nsrôih dâk hao tay jâng wăng sa lôch bah kơi nuh srê./.

Nuĭh rblang: Điểu Thân