VOV4.M'nông: Lôch bơi 2 năm ntoh luh nuh srê têh, Indonesia lah dak dâk bôk năp ta nkual Đông Nam Á đah rnoh âk ntưp Covid-19 hŏ rlău 5 rkeh nuĭh. Tâm rnôk dja, rnôk rnoh nuĭh ntưp Covid-19 ta lam ntŭr neh dôl geh trong rƀŏng hŭch bơi 60% rđĭl đah rnoh dŭt hô tât mhe aơ tă bah njêng săk Omicron lơh ri Indonesia hôm dôl kalơ trong hăn tât chông yôch bah rơh ntưp Covid-19 tâl pe. Aƀaơ, Indonesia hŏ chuh ăp tŏng rlău 137 rkeh nuĭh ƀon lan, tâm ban đah nklăp 50% rnoh nuĭh. Yơn lah, tĭng mpôl kan nkra lơh Covid-19 Indonesia, geh nklăp 20 rkeh nuĭh hŏ ntlơi chuh vaccine n'hanh ân chuh tay bah bôk năp an ăp nuĭh ntlơi chuh n'glai 2 tâm 6 khay./.

Nuĭh rblang: Điểu Thân