VOV4.M’nông: Nŭih ntoh ngơi bah N’gâng kan dak si Indonesia, wa Siti Nadia Tarmizi, mbơh, tâm 2 pơh rlau aơ, Indonesia hŏ n’hao nau nkah njrăng bah năp nau ji klơm tâm kon se. Tâm khay 4 mhe rlau, 3 kon se khĭt tâm dak aơ geh leo tât ngih dak si tâm Thủ đô Jakarta tâm rnôk ji hô kơt lah luh hok, m’ưm, ji ndul djroh hô, ji kop duh, êr ntô, kn’hăk ndrel mô hôm nkah. Wa Tamizi lah, ăp kon se khĭt hŏ tă geh chuh tŏng vắc xin ndrel ntil kman geh saơ nê lah ntil kman mhe, mô di lah ntil kman ƀư jêng nau ji klơm vay mâp. N’gâng kan dak si Indonesia nkah, ăp me mbơ̆ kon se ân geh n’hao nau uănh, leo kon se tât ngih dak si lah saơ geh nau ji. N’gâng kan dak si Indonesia dôl ma uănh n’ôi nkô̆ nau ji klơm ndal, nkre ntrŭnh du nau đă ntrŭt dăng ngăch nau uănh tât nau ji tâm lam dak./.

Nŭih rblang: H’Thi