VOV4.M’nông- Gay ma an geh âk năch dak bah dih plơ̆ pâl rlưn lôch nuh srê Covid-19, chính phủ Indonesia geh nău nchrăp pơk hvi nău kơl hăn nsong ta ntŭk. Ta rơh rƀŭn nchră trực tuyến, Chính phủ Indonesia mbra nthoi tay nău pă an hăn nsong ta ntŭk ta âk mpông n’har bri ta gôl dak aơ, geh ăp tach ndeh păr lam ntur neh ta Jakarta n’hanh Surabaya. Indonesia mbra geh pơk hvi rnoh săk ăp ngih dak geh dơn nău kơl pă an hăn nsong ta n’har bri, ngăn lah ăp ngih dak geh nău dơi pâl nđaih n’hanh lah dak kan ndrel G20. Chính phủ Indonesia lĕ nchrăp na nê̆ ăp nău dơi gay ma pơk tay ăp trong mpăr đah dak bah dih, kơt lah njêng ăp ntŭk an gŭ nkhah êng n’hanh mât đăp mpăn rnoh nuĭh kan kơl an năch dak bah dih lăp gŭ. N’gâng kan Indonesia mĭn ŭch nău kơl lăp gŭ pơk hvi mbra njêng nău nơih lơn an trong ndâk nsơm wăng sa ta bar gôl dak têh Java n’hanh Bali.

Nuĭh rblang: Thị Đoắt