VOV4.Mnông- Nar 27/2, Iran an gĭt mbra mô ŭch ăp nău tâm ntoch mông nar yor phương Tây ngluh mbơh gay ma plơ̆ tâm nchră hạt nhân tay ta năm 2015 đah ăp dak têh ta lam ntur neh. Ntoh ngơi ta rơh rƀŭn nchră, nuĭh ntoh nău ngơi n’gâng kan nchră nău đah dak bah dih Iran Saeed Khatibzadeh an gĭt: Iran lĕ ơh ăp nău dăn đă bâh ntŭk kan ŭnh nar nguyên tử lam ntur neh IAEA mô lah ăp nău mbơh geh nău kan chính trị ma Iran dơi an lah mô tâm di. Iran mô ŭch nău mbơh mông nar an ăp rơh tâm nchră. Nău mbơh aơ ndơ̆ mbơh rnôk ma kruanh rơh tâm nchră hạt nhân bâh Iran Ali Bagheri plơ̆ tay ta Viên (Áo) gay ma tâm nchră đah ăp dak phương Tây mpeh nău ndâk nsơm tay nău tâm ton hạt nhân. Mpeh đah Iran an gĭt, dak aơ mbra hăn tât du nău tâm ton dâl, lah ăp dak phương Tây mpơl nău ŭch ngăn ngên.

Nuĭh rblang: Thị Đoắt