VOV4.M’nông - N’gâng kan tâm rnglăp nchră nău Iran ntôn ăp nău mbơh bah Ngih pah kan ŭnh nar Nguyên tử Quốc tế (IAEA) mpeh nău dak aơ geh nău ƀư sâm Urani ta 3 ntŭk mô dơi mbơh uănh lah “mô lĕ rngôch”. Tĭng nuĭh ntoh ngơi N’gâng kan tâm rnglăp nchră nău Iran Saeed Khatibzadeh, nău mbơh bah IAEA mô lah di naư ngăn ăp nău tâm nchră đah Iran n’hanh IAEA, mô di trong uănh lĕ rngôch, yor nê̆ aơ mô di du nău mbơh “tâm ban”. Nău mbơh bah Iran dơi ndơ̆ knŭng 1 nar jêh rnôk IAEA mbơh an gĭt Iran tât aƀaơ mô di nău rblang ăp nău ntôn bah jŏ mpeh ăp grăp urani dơi joi saơ ta 3 ntŭk. IAEA mĭn lah aơ nău khlay ƀư mbrơi tâm nchră đah Iran n’hanh phương Tây mpeh nău rdâk hao tay tâm ton hạt nhân năm 2015.

Nuĭh rlang: Y Sưng Phê Ja