VOV4.M’nông – Măng nar 6/6 (tĭng mông ta ntŭk), Israel lĕ rgŏ jă nău rdôl lơh grăp phao ŭnh mhe tâm thủ đô Damascus bah Syria. Hãng thông tấn ngih dak Syria (SANA) an gĭt, rmôt njrăng n’gang ka lơ trôk dak aơ lĕ rdâng đah du nău rdôl lơh grăp phao ŭnh mhe bah Israel. Nău rdôl lơh dơi rgŏ jă bah trong Cao nguyên Golan, nchrŏng tâm ăp ntŭk ta nkual ƀon lan mpeh bah dâng thủ đô Damascus bah Syria, yơn lah rmôt njrăng n’gang ka lơ trôk dak aơ lĕ pănh tâp lĕ rngôch ăp grăp phao ŭnh. Du nău mhe tahen bah Syria an gĭt, nău rdôl lơh knŭng ƀư ăp nău khuch jêt mpeh drăp ndơ. Tă aơ đêt pơh, N’gâng kan mât njrăng bri dak Syria mbơh 3 nuĭh khĭt tâm du nău rdôl lơh tâm ban nĕ bah Israel bâh mpeh Cao nguyên Golan nchrŏng tâm du ntŭk ta thủ đô Damascucs.

Nuĭh rblang: Y Sưng Phê Ja