VOV4.M'nông: Israel ŭch rŏng Hội đồng thống đốc bah Nhih pah kan ŭnh Nar Nguyên tử quốc tế (IAEA) mbra ndơ̆ luh nău mbơh njrăng lor kloh rvah đah Iran mpeh bôk nău kan hạt nhân bah dak dja. Lah ta rơh hop quốc hội Israel nar 7/6, thủ tướng Israel  wa Naftali Bennett mpơl nău mpŏng an lah Hội đồng thống đốc IAEA mbra ndơ̆ luh du nău mpơl mbơh njrăng lor kloh rvah an lah Iran mbra geh ntang lơh krit nji lah tĭng ƀư tay trong kan hạt nhân aƀaơ. Mỹ, Pháp, Anh n'hanh Đức dôl ntrŭt ntrôl Hội đồng thống đốc IAEA nkah njrăng lor nău Iran mô ơh ăp nău ôp mpeh nău têl uranium ta ăp ntŭk mô hŏ n'gluh mbơh. Yơn lah, nuĭh kan groi nđôi klach rvê an lah nău mbơh njrăng lor mbra nsĭch nuih n'hâm nuih ăl bah Iran n'hanh ƀư khuch nău mpŏng kơl dơi nău tâm ton hạt nhân 2015.

Nuĭh rblang: Điểu Thân