VOV4.M'nông: Ta Belarus, kâng n'har đah Ba Lan mhe ƀư rơh tâm nchră đah ăp kruanh Ukraine n'hanh Nga gay dơi geh du rơh tâm ton rlu pănh. Tĭng hãng tin Reuters, lôch rvăch tâm nchră tâl bar đah Nga-Ukraine nar 3/3, Kruanh mpôl tâm nchră Nga, wa Vladimir Medinsky, an gĭt dak dja hŏ tâm ban ŭch nău mĭn pơk trong soih an kơl nuĭh ƀon lan ngăn n'hanh du nău ntrŭnh rlu pănh geh nău dơi, nkre an lah hŏ geh nău "dơi rgâl uĕh" tâm rơh tâm nchră. Hôm nuĭh nsŏng kơl an Tổng thống Ukraine, wa Mykhailo Podolyak ri an gĭt rvăch tâm nchră tâl bar đah Nga mô hŏ geh nău dơi ma Kiev mpŏng, yơn bar ding tâm ban ŭch nău njêng ăp trong soih an kơl nuĭh gay ntrơn du nuĭh ƀon lan ngăn. Wa Podolyak an gĭt bar ding nchrăp mbra dơi geh du rơh rlu pănh gay nta trong soih an nuĭh ƀon lan ngăn ntrơn du. Bar ding hŏ tâm ban ŭch nău rdeng dak si n'hanh ndơ ngêt sa tât ăp ntŭk dôl geh tâm lơh tâm su hô./.

Nuĭh rblang: Điểu Thân