VOV4.M’nông- Ủy ban săch kruanh ngih dak Campuchia (NEC) nar naơ 5/6 an gĭt, lĕ rngôch 23/602 ntŭk nklăch phiếu ta lam dak lĕ ntâl mpông tĭng nău nchrăp rnôk 15 mông  kêng măng tĭng mông ta ntŭk, đah nău nchroh kan bôk năp geh klâp ma rlău 70% ƀon lan hăn nklăch phiếu tâm rơh săch kruanh hội đồng xã, phường tal 5 bâh ngih dak aơ. Tĭng nău mbơh bâh NEC, geh klâp ma 9,2 rkeh nuĭh lĕ geh mbơh dăn tât râng săch kruanh đah nău uănh nđôi bâh klâp ma 75 rbăn nuĭh uănh nđôi pah kan tâm dak nơm n’hanh lam ntur neh. Nău nsum tâm nar nklăch phiếu geh ƀư ueh n’hanh mô geh nău tât êng geh kơp dơn. Geh klâp ma 86.092 ứng cử viên bâh lĕ dĭng lĕ 17 chính đảng tât râng ứng cử rơh aơ, tâm nĕ đảng nhân dân CPP n’hanh đảng Ánh nến dơi uănh lah ăp ứng cử viên tơm ta rơh săch kruanh aơ. Nău geh săch kruanh bôk năp nchrăp mbra geh mbơh ta ôi nar 6/6, tâm rnôk nău geh săch kruanh tơm mbra geh mbơh ta nar 26/6 atay.

Nuĭh rblang: Thị Đoắt