VOV4.M’nông: Tâm rơh rƀŭn Rnâng kan Bộ chính trị ƀư lơ 17/3, bol ma lah rjăp nau mra hôm mâp nau kan “mô geh Covid-19” yơn rđau kan Trung Quốc kŏ lah rjăp nau tă dơi geh âk ngăn tâm nau njrăng rdâng srê đah rnoh prăk đê̆ ngăn ndrel ma n’huch nau tât khuch bah srê ji tât nau hun hao văng sa rêh jêng. Ƀư tơm rơh rƀŭn, Kruanh dak Trung Quốc Tập Cận Bình hŏ lah rjăp ăp nau kan rjăp ngăn nsing tâm nau kan khoa học, kŏ kơt lah nau ƀư tĭng ăp nau kan “mô geh Covid-19 ueh mhe” bah neh dak aơ gay ma n’huch nau ntưp rêng bah srê tâm rơh gleh ngăn. Yơn lah, păng kŏ đă ntrŭnh ƀư ăp nau kan ân geh săk tam lơn, gay ma n’huch ăp nau khuch bah srê ji đah nau hun hao văng sa./.

Nŭih rblang: H’Thi