VOV4.M’nông - Nar 9/5, Kruanh dak Trung Quốc Tập Cận Bình lĕ geh rơh mâp tă bah video đah Thủ tướng Đức Olaf Scholz, tâm nchră mpeh kan ndrel ăp ding, tâm boh Trung Quốc-châu Âu n’hanh nău duh jêr Ukraine. Wa Tập Cận Bình lĕ kuăl jă “nsrôih dŭt n’hâm dêr an tâm lơh hao n’hanh pơk hvi, jêng tât nău tĭng ntŭk mô dơi uănh nđôi”. Pơng mĭn lah Trung Quốc kơl châu Âu ƀư tơm nsrôih ntrôl tâm nchră đăp mpăn. NKre mĭn nău kơl bah Trung Quốc đah “nchrăp êng trong kan” bah Liên minh châu Âu. Mpeh đah nơm, Thủ tướng Đức Olaf Scholz an gĭt, Đức nchrăp n’hao tâm ôp n’hanh kan ndrel đah Trung Quốc ta mặt trân ăp ding kơt ntrôl nău hun hao uĕh bah tâm boh châu Âu-Trung Quốc.

Nuĭh rblang: Y Sưng Phê Ja