VOV4.M’nông - Kruanh dak Trung Quốc Tập Cận Bình kêng măng nar 8/3 lĕ geh rơh mâp trực tuyến đah Tổng thống Pháp Emanuel Macron n’hanh Thủ tướng Đức Olaf Scholz, tâm nchră mpeh nu nău Ukraine aƀaơ hin. Kruanh dak Trung Quốc Tập Cận Bình uănh lah nu nău ta Ukraine aƀaơ lah “Dôl klach rvê ngăn” n’hanh kuăl jă “Ât nkân dŭt n’hâm” gay nking n’gang du nău duh jêr kơl nuĭh ta têh hvi. Pơng an lah đŏng, Trung Quốc “Rngot rnôk saơ chông ŭnh tâm lơh ntoh tay ta neh dak Châu Âu”, lah rjăp kơl lor bôk năp aƀaơ lah “Nking n’gang nu nău duh jêr hao, đê̆ đŏng “mô dơi uănh nđôi”. Aơ dơi uănh lah nău mbơh rjăp ngăn bah nuĭh kruanh Trung Quốc kơp bah rnôk tâm lơh đah Nga n’hanh Ukraine geh. Wa Tập Cận Bình kuăl jă Pháp, Đức ndrel đah Trung Quốc kơl ăp nău tâm nchră đăp mpăn đah Nga n’hanh Ukraine, ntrŭy 2 ding mât trong tâm nchră, mkra jêr jŏt, tâm nchră tay tât rnôk geh săk rnglăy n’hanh hao tât đăp mpăn.

Nuĭh rblang: Y Sưng Phê Ja